Deal of the day

فيفي عبده لـ نزار الفارس: «بتحسد بسبب رقصي ومش هخلي حد يحطلي لقب على مدفني ولو قابلت ربنا هقوله بحب الرقص»

 

تقرير _ مروة حسن

كشفت الفنانة الكبيرة فيفي عبده مع الإعلامي العراقي نزار الفارس، مقدم برنامج «مع الفارس»، المذاع على قناة «الرشيد»، أمس الجمعة، وأبرز الصعوبات التي واجهتها في حياتها وفي مشوارها الفني .

وفي هذا التقرير تستعرض «الأرز نيوز اللبنانية» خلال السطور التالية أبرز تصريحات فيفي عبده مع نزار الفارس.

_ «أنا مشبعتش من الفن، ده بيبقى في الدم، وهعتزل الرقص لما ربنا يريد، ومش هتوب.. هتوب عن إيه؟ أنا مقتنعة باللي بعمله ودي مش اسمها توبة، ربنا رب قلوب»

– أرفض كتابة كلمة «راقصة» على قبري، «متنفعش، إزاي تحط الراقصة، هو أنا هروح بلقبي كراقصة، أنا يمكن أكون غلطانة إني بقول يارب أنا بحب الرقص، بس ربنا هو اللي بيحاسب مش حد تاني،ومش هخلي حد يحطلي لقب على مدفني».

– أنا بحب الرقص جدًا، وحتى لو قابلت رب العالمين هقول بحب الرقص، لأن مش ممكن أبقى كدابة

– «أنا قبل ما بعمل أي حاجة بقرأ قرآن، حتى قبل ما بطلع من بيتي، كل واحد حسابه بينه وبين ربنا، لازم أقرأ قرآني إللي أنا حسيت إني حصنت نفسي بيه».

– أنا بتعاكس من طوب الأرض، من كتر ما بيحبني طوب الأرض، الطفل بيقول لمامته عاوز أسلم عليها عاوز أسمع صوتها وده كله حب، ربنا حبب فيا خلقه، وكل الأجيال بتحبني.

– مفيش راقصة مصر الأولى، مفيش أولى وتانية وتالتة ورابعة، مين بيدي الألقاب دي؟ أنا ميهمنيش اللقب، أنا يهمني دي مقبولة عند الناس ولا لا.

– أنا معشتش وأنا صغيرة، وبتمنى من الله دلوقتي إني أعيش، ويديني شوية عمر مع الصحة وأمارس الحاجة اللي بحبها، وأقعد مع أحفادي الصغيرين، لما بيقولوا لي يا تيتة بيقولوا يا تيتة من قلبهم، أنا عاوزة الصدق ده.

– أنا بتحسد بسبب رقصي، بس أنا بحبه، زي ما بحب الكلمة الحلوة.

– مهري 25 جنيه، طالما يبقى راجل، 25 جنيه، بس عاوزة راجل، ليه المهر يبقى غالي؟ الغالي إللي هاخده مش الفلوس، إللي يهمني يبقى راجل غالي ويحافظ عليا ويحترمني ويحافظ على إسمي.

_ عملت الدور في مسلسل «الحقيقة والسراب» بصدق وكما يجب، وحسيت إني ثريا أبوالفضل، وعملت مشهد في موت ابنها في الحلقة التاسعة مكسر الدنيا، وكلمتني هند رستم وكلموني ناس كتير وبيقولوا عملتي المشهد ده إزاي؟».

_ نجحت بعد مسلسل الحقيقة والسراب في مسلسل الست أصيلة وسوق الخضار، وتحب جميع أعمالها لأنها بعد مسلسل الحقيقة والسراب كانت إختياراتها عن نضج وحب.

_ بحب الهضبة والعندليب وكل إللي في الساحة فرسان أحلامي

_ أحب سماع أغاني المهرجانات: «كلامها حراق ولذيذ وصغير»، وأغاني المهرجانات تشبه المونولوج قديما: «إسماعيل ياسين كان بيقول كلام حراق بس بيقوله بابتسامة».

_صممت مدفني يشبه لمدفن عبد الحليم

– أتعرفت على عبد الحليم في آخر أيامه وقالي بيقولوا عليكي يابت رقاصة شاطرة.

_ دفعت ضريبة نجاحي: «مكنتش بنام كويس، وكنت مطلوبة جدا في السينما والمسرح واللايت والأفراح والمسارح، ومتمتعتش بالحياة وطول الوقت بشتغل».

_وعن دخولها مجال تقديم البرامج التلفزيونية،أول برنامج لها هو سلام مربع الذي إستضافت خلاله 30 ضيف ما بين نجوم الفن وكرة القدم وثاني البرامج هو أحلى مسا مع قناة mbc وثالث برنامج هو 5 أمواه

_أنا بيتي مليان سحر، كل واحدة قادرة تعمل حاجة بتبعتهالي في كيس بيترمي عن طريق الشغالين، مفوضة أمري لله، السنة إللي قبل إللي فاتت روحت مارينا وعمل رقصات لذيذة جدا وبعد ما مشيت من هناك بقيت متدهورة ليه مش عارفة؟، وبقرأ قرآن دايما.. ومش بسيبه من بوقي».

_ لما حسيت بالأنا في مرة قعدت في البيت.

_جاية الدنيا دي عشان اتدلع

_ «مهري 25 جنيه بس لازم يبقى راجل غالي مش الفلوس تهمني إنه يبقى راجل غالي يحبني ويحترمني ويحافظ على إسمي وعارف متجوز مين».

_ معنديش مانع أحب حد أصغر مني

_ «أنا معنديش غدر من الأصدقاء، ومش عصبية ولكني حقانية، وحياتي في البيت عادية جدا، ومش بحب الميك أب في البيت، وطبيعية مع جمهوري».

_وعن أكثر أغنية تحب أن تسمعها، قالت إنها تحب أغنية كتبها نزار قباني، تقول كلماتها: «في حياتك يا ولدي امرأة»، وتابعت: «لما قابلته عند ست عراقية حبيبتي في مصر وشافني قالي أنا كنت متخيل بنت زيك كده لما كتبت الأغنية».

– معيشتش طفولتي لأني بشتغل من صغري.

– ما شبعتش من الفن لأنه بيجري في دمي.

_عايزة يتعملي أغنية عراقية خاصة بيا أرقص عليها.

_ باخد الطاقة الإيجابية من الرقص.

_ أوقات بكون حزينة وبعيط دم وأخرج للناس مبتسمة لأن الفن يعني عطاء

_أول ما نزل كاظم الساهر مصر جيه يتفرج عليا في night club.

_ سبب نجاح الراقصات الأجانب، هو إنخفاض أجرهن: الأجانب رخيصين أجرهم مش زي المصريات منهم دينا ولوسي.

_الأجنبيات بيقلدوا بعض جدًا ورقصهم سريع مفيهمش واحدة مميزة، ومفيش راقصة مصر الأولى وليه نقعد نقول الأولى والتانية أصل مين يعني هيدي اللقب، اللي يهمنا اننا نكون مقبولين ومحبوبين عند الناس بس.

_ تعرفت على شاب هندي في لندن، أول ما شافني قالي أنتِ مصرية، قلت له أيوة، وقال لي أنتِ ملكة لأني طويلة، وكان بيقرأ كلام بالعربي من القاموس، لكى يعرف يتفاهم معايا

_كانت علي علاقه بشاب هندي،أحبته وسافرت معه إلي الهند، وكان يتمتع بمستوى مادي عالٍ، وأنها كذبت عليه بأنها غنية، ولكنه كشف ذلك فيما بعد، وأنها لم تتزوجه بسبب وفاة والدها.

_ عزمني إني أسافر معه إلى الهند، وبالفعل سافرت، واكتشفت لما روحت إنه غني جدًا، ويتمتع بمستوى مادي عالٍ، وكنت بركب معاه العربية، وأول ما كان يرى البقرة ماشية، كان بيقف بالعربية إحترامًا لها، وما كنتش أعرف ليه!، وكان بيرتدي ملابس نفس لون العربية، معلقة: كان باشا.

_ كل حاجة كنت بشوفها، كنت بقول له عندي شبهها في مصر، وهذا ليس حقيقي ما كنتش غنية وقتها، وكنت ساكنة في منزل عادي في الطابق الخامس.. مضيفة أنها اتفأجت في يوم من الأيام بيتصل بها من لندن، يقول لها أنه هيسافر مصر لكى يراها.

_ أول ما عرفت أستأجرت فيلا كبيرة، وإستقبلته من المطار، ونسيت عنوان الفيلا، ولكن أول ما رأى الفيلا لم تعجبه تمامًا، وأعجبه بيتنا القديم، إلي أنه اكتشف أنها كذبت عليه، ولم يرد إحراجها، ولكنها لم تتزوجه بسبب وفاة والدها، لكى تراعى أخواتها.

_ الحب على السوشيال ميديا مش مقياس لأنه ممكن يكون غدر وكذب.

اترك رد

TVs and Audio Category