كتبت د. ايمي حسين
.. فيلم” الانس والنمس” أفضل من أفلام محمد هنيدي السابقة، ولكنه أكيد مش هيوصل المستوي أفلامه زمان اللي كلنا بنحبها.
تعالوا نتعرف علي سبب المقارنه ورأي الجمهور والنقاد
الفيلم أحداثه في إطار كوميدي بتدور عن تحسين مدير بيت الرعب اللي بينقذ نارمين من انها تتخبط بعربية في الطريق،
ولكن بعدها حياته بتتغير وبيلاقي نفسه في عالم تاني عمره ما شافه ولا سمع عنه.
الفيلم فيه مواقف تضحك وفيه مواقف لا، لإنه كتييير بيعتمد علي كوميديا المواقف وساعات إفيهات، ده مخلاش الكوميديا ككل حلوة علي طول الخط ولكن جعل المحتوي متنوع .
القصة لذيذه خفيفة الظل وجديدة علي السينما المصرية،
ولكن طبعا علي مستوي المؤثرات مكنتش ها الأد للاسف كان مرسوم بشكل كرتوني جداً،
ولكن تصميم الشخصيات فيها كان كويس بنسبة كبيرة وساعد علي كده المكياج اللي كان مناسب لطبيعة القصة والأحداث ودور كل شخصيه واظهارها بما يتناسب الدور .
محمد هنيدي لا يزال مبهج ودمه خفيف وكومديان ولكن” الورق”بمعني المحتوي المقدم علي الشاشه هوا المشكلة والأكيد ان هنيدي ملوش يد فيها،
وباقي الممثلين كانوا موفقين بالذات عمرو عبدالجليل وبيومي فؤاد في المشاهد اللي ظهروا فيها وفي كل مره بيثبتوا ثقلهم في عالم الكوميديا الموظفه حسب الموقف توظيف مناسب تمامآ للشخصيه والاحداث كما ان وجودهم اضاف الكثيير للفيلم
فيلم الإنس والنمس فيلم عائلي بكل تأكيد ممكن يعجب فئة عمرية أصغر لكن ممكن ميكونش جيد ومناسب لبعضنا بالذات اللي حبوا أفلام هنيدي وشافوها وقت ما كان هنيدي نجم كلنا بنعشق أفلامه وحافظينها لانهه كانت مناسبه للتوقيت والاحداث وكانت جديده في ذاك الوقت وكان الجمهور متعطش لماده فنيه لم تعرض مثلها من قبل
