Deal of the day

ليه استحقت جيهان السادات .. انها تكون جيهان السادات ؟

ليه استحقت جيهان السادات .. انها تكون جيهان السادات ؟

كتب ايمن نور

تلك الشخصية التاريخية الشهيرة .. كزوجة لأهم رؤوساء مصر فى العصر الحديث
لانها فكرت و قررت وحسبتها بشكل خارج الصندوق تماما
لغت حسابات العقل والمنطق والمصلحة والمفروض واللى مش مفروض وصدقت احساسها وقلبها فقط .. ورمت كل حاجه تانية ورا ضهرها

ولا همها ان الفلاح الاسمر انور السادات انه من طبقة اجتماعية اقل من طبقتها .. وانها ابنة لدكتور كبير هو صفوت رؤوف اللى درس فى جامعة شيفيلد فى بريطانيا
ولا همها انه كان متزوج من قبل وعنده تلت بنات وهى لسه فى سن صغير جدا ولم يسبق لها الزواج

و لاهمها ان فيه بينهم فرق سن 15 سنة بحالهم

ولا همها انها لما اتعرفت عليه كان لسه خارج من السجن ومفلس وفقير وبتاع مشاكل ومستقبله مهدد ..
لدرجة ان لما اتعزم على عيد ميلادها قبل ارتباطهم دخل بايده فاضية لإن
مكانش معاه تمن الهدية
ولا همها ان قضيته الاساسية لما عرفته هو الانتصار على الانجليز وطردهم .. رغم ان امها بريطانية
كان كل صحابها وقرايبها وقتها بيقولوها ايه اللى يجوزك الجوازة دى .. دنتى تاخدى سيد سيده

جيهان مهمهاش ده كله ولا فكرت فى كلام الناس والهبل ده
واعجبت بيه وأحبته واتجوزته وآمنت به
عشان كده لما اصبح رئيس جمهورية كانت تستحق تبقى اول من حمل لقب سيدة مصر الأولى
ويوم ما شافت بعنيها اغتياله فى حادث المنصة .. قررت فى اللحظة دى انها حتعيش على ذكراه ماتبقى لها من عمرها وتخلص للراجل الوحيد اللى حبته
وشاء القدر انها تعيش اربعين سنة بحالهم بعده .. وعمرها مانسيت فى لحظة انور السادات
رحم الله الله سيده اعطت لوطنها واحبته متلما احبت رفيق ضربها سياده الرئيس الراحل انور السادات .

 

اترك رد

TVs and Audio Category