كتبت د. إيمي حسين
جوزي من أنضف رجال الدنيا
حماتي ست عظيمة ربت راجل بمعني الكلمه
حسام مضرنيش.. وراجل مفيش منه خلاص
ملخص رد شيرين عبد الوهاب على تسريبات والد حسام حبيب
دافعت عن حسام وامه ومجابتش سيرة الأب لا من قريب ولا من بعيد!
وعاودت الكرة فى الهجوم على ادارة اعمالها السابقة
والاهم من كل ده انها لا انتقدت تسريب المكالمة ولا هاجمت نضال الأحمدية !!!
ردى على تصريحات شيرين .. هو كالتالى
ان الست اللى شايفه حييبها وجوزها انه بكل الصفات الحلوة دى رغم كل اللى اتعرضلته وشافته وخبته ودارته واستحملته
الست اللى عندها القدرة على المسامحة للدرجة دى
الست اللى متمسكه باللى بتحبه رغم كل اللى اتقال ومتقالش
ورغم كل اللى حصل
الست اللى بتدافع عن حبيبها بالطريقة دى وحريصه على صورته تفضل زى ماهى فى عيون الناس رغم كل اللى قاله ابوه
الست اللى بالصفات دى فى الزمن ده ..
لا نملك كأشخاص عاديين وكإعلاميين نري الصوره من بعيد
لا نملك الا ان نحترمها ونتمنالها السعادة مع الانسان اللى اختاره قلبها وحبته ومتمسكه بيه للدرجة دى
شيرين ضربت اروع الامثال فى الحب .. فى زمن ندرت فيه المشاعر والتضحيات والوفاء والعطاء …جعلت من زوجها بطل امام العالم …ضحي بالكثيير والكثيير ليحافظ عليها وعلي ابناءها وانه من اسره عريقه امه ربته تربيه جعلت منه رجل بمعني الكلمه وانه لم يستفيد منها طيله 4سنوات مضت هي عمر زواجهما
السؤال هل هذه هي الحقيقه ام فرفره المدبوح ؟والخوف من الشماته ؟
علي كل الاحوال فليذهب كل ماكتبناه الى الجحيم ….
امام سلطان الحب الحقيقى الذى لا ينكسر أمام اى ظروف او حجج او مبررات
احنا غضبنا لشيرين بعقلانية .. ونسينا ان للحب قوانين اخرى
ليت كل النساء شيرين
ولكن هذا السيناريو سينتهي باي محطه لااحد يعلم …ومن المؤكد ان قدر الله غالب فليشمله برعايته وبالذريه كما تمنت شرين .
