Deal of the day

سبعبع “شريف الدسوقي” اتبترت قدمه تعرف علي حكايته ومن وراء ذلك

 

كتبت د. إيمي حسين

اللي حصل إني أُصبت في رجلي أثناء تصوير أحد المسلسلات اللي مشوني منها،

ويشهد على كدا كل اللي بيتعاملوا معايا .. اتصابت يومها بجرح صغير ومكنتش أعرف إني عندي سكر المهم روحت وجيت تاني

في يوم حسيت بدوخة قولتلهم ودوني المستشفى أفاجئ إن ولا واحد من المسلسل معايا باستثناء المنتج أحمد الجنايني وهو منتج فيلمي… وقفة رجالة.

عملت تحاليل واكتشفت إني عندي سكر وخبيت على الأستاذ أحمد الجنايني إني مصاب عشان معطلش التصوير بتاع فيلم “وقفة رجالة”

الحمدلله نتاج تحملي ربنا كرمنا .. خلصت الفيلم وداخل حجات تانية فوجئت إن الدنيا كلها بتقول مشّوا شريف من المسلسلات عشان بيخش مخمور وسكران ..

أنا المتربي على مدرسة إسماعيل ياسين أنا مدرّب مادة التمثيل مستحيل أبقى نصاب،

بطالب بحقي فقط لا غير إني أتعوض عن اللي حصل .. أنا مخدتش تلت أجري ومش عيب أٌقول كدا.

وعن المصحة النفسية؟ .. هي زيارة نفسية اللي روحتها وكانت من 20 سنة لما انفصلت عن زوجتي أم ابني،

هو فيه حد لما ينفصل عن زوجته ينزل الشارع يرقص؟ .. أنا 40 سنة ببني نفسي بدراعي واشتغلت مع أكبر مخرجين مصر اسألهم شريف عامل أيه في اللوكيشن.

ليه الموهوب واللي بينوّر في زماننا بيحاربوه؟ .. ليه احنا البلد اللي بتقتل الموهوبين الحقيقيين؟ .. أنا زعلت عشان حالتي كانت صعبة من 8 شهور استشاريين كانوا يعيطوا وميقدروش يبصوا لرجلي النهاردة الحمدلله ربنا عافاني بعد فترة مقولتش لحد فيها حاجة بس من حقي أزعل لما أتكشف إعلاميًا غصب عني أنا مكنش عندي صداع أنا كنت مهدد فعلًا ببتر رجلي!

عيب يتقال عليا إني روحت مصحة نفسية أو بدخل اللوكيشن سكران أنا بحضر قبل التصوير بساعتين وبقعد مع العمال نظبط الديكورات ونفطر مع بعض .. الظلم وحش

والي متي راح تضل الشلليه الوسط الفني ؟  ده بيقتل في اللي متلي الموهبه والعطاء والابداع

اخنا ناس موهوبه طلعت بعد عذاب لتقول للعالم احنا اهو ..ببساطه

وببساطه اكتر اوقفوا الاعلام الاسود الذي يحارب الموهوبين .

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

TVs and Audio Category