Deal of the day

سيصبح العالم مخيف شربحة الدجال تدخل الي رأس الانسان والتحكم بيتم خلال ايام.. اقرأ التفاصيل اكثر

Posted In غير مصنف

شربحة الدجال تدخل الي رأس الانسان والتحكم بيتم خلال ايام..
اقرأ التفاصيل اكثر

الكاتب الصحفي / محمد رفعت زغابير

تخيل معايا انك تصحي فى يوم الصبح تلاقي نفسك فاكر كل حاجه عملتها فى حياتك من حوالى 10 او 20 سنه.
كل حاجه بمعني كل تفصيله بكل دقة ومش ناسي اي حاجه اطلاقا!!

غريب ومرعب مش كده!!

لو انت من الناس اللى بتتابع مسلسلات اجنبي كتير..
يبقا اكيد سمعت عن مسلسل Black_Mirror :
واكيد تعرف الحلقتين دول : (White Christmas) و (Entire history of you).

فى الحلقتين دول بيوضح لك ان الانسان ممكن يتزرع فى مخه شريحة الكترونيه فيه القدره على التحكم بالانسان وتخليه عنده قدرات خارقة ومهارات غريبه!!

ده بالظبط اللى (Elon musk) اعلن عنه (من كام يوم ) فى مؤتمر اونلاين عن الشريحه بتاعته (Neuralink) اللى هتتزرع فى دماغ البشر مستقبلا..!!

لو انت متعرفش ايه اللى بيحصل فى العالم حاليا فأحب اقولك ان من حوالى ٤٨ ساعه بالظبط..
حصل حدث اخد ضجه ضخمه على مستوي العالم ومتسألش اعلامنا فين عشان كل اللي يهمهم كام بيت اخد ازاله وكام مليون مصالحه وكده ..

الدنيا اتقلبت عليه على Twitter..
——————-
والحدث ده هو ان واحد من اغني رجال الاعمال على مستوي العالم فى مجال الـ(IT) والـ(AI) اسمه (ايلون ماسك)..
اعلن رسمي عن اطلاقة لشريحة بتتزرع فى مخ الانسان اسمها (Neuralink)..
————————-
الدنيا اتقلبت على الموضوع ده..

رغم ان الحدث ده مش حدث جديد :
– الموضوع بدأ من سنه 2016 لما شركة (Neuralink) اتأسست بشكل سري تماما ومتعرفش عنها اي حاجه لمدة سنه..

– ثم فى 2017 لما اعلن عن اول مؤتمر اتكلم فيه عن مراحل تطوير الشريحه..

– وبعد كده الموضوع اتكتم عليه وسكتوا متكلموش فيه تاني..

– ثم سنه 2019 لما خرج (Bill gates) فى مؤتمر رسمي خاص بيه وصرح عن شريحه هتستخدم فى علاج الامراض الشديده زي السرطان وغيره..

– ثم من فترة قريبه حوالى 4 شهور خرج (Bill gates) وقال انهم بيطوروا فى الشريحه دى عشان تستخد لعلاج (فايروس كورونا)..

– اول امبارح او من 4 ايام بقا طلع (Elon musk) فى لايف مباشر على قناة اليوتيوب الخاص بالشركة بتاعته واتكلم عن (مدي نجاح وفاعلية الشريحه + انهم الفترة دى هيبدأو يجربوها على الانسان بالتدريج!!)..
————————-
حدث مريب..
الشريحه دى ممكن تعمل ايه ؟!
تعال نشوف صاحب الشركة نفسه (Elone Musk) قال ايه عن الشريحه :

1- الشريحة تم تجربتها وزرعها في الحيوانات (زى الخنزير) وكانت الشريحة بتلقط الإشارات العصبية اللي بتعلمها الحيوانات والاشارات دى يقدر يستخدمها بعد كده في علاج أمراض كتير.. زي :
فقدان الذاكرة، فقدان السمع، العمى، الشلل، الاكتئاب، الأرق، الإدمان، السكتات الدماغية، تلف الدماغ, وبعض السرطانات اللى لها علاقة بالمشاكل الدماغيه..
= وده الهدف الاساسي زي ما هو قال (علاج الامراض)..

2- أو تستخدم الاشارات دى عشان تنفذ أوامر مختلفه بمجرد أنك تفكر فيها زي مثلا الـ Smart home (يعنى ربط الذكاء الاصطناعي الخاص بالبيت بالانسان) وتشغل التكيف والغساله والتلاجه..

3- قياس درجة حرارتك والضغط والحركة وتحذيرك من نوبات قلبية أو سكتات دماغية

4- مستشعر ومتتبع لجميع أنشطة الدماغ

5- مع الاستمرار فى تطوير الشريحه هيكون للانسان القدره على التتواصل مع أي شخص بدون اتصال بمجرد يفكر في الشخص بس،

6- نسخ الذكريات والاحتفاظ بيها ونقلها من شريحه للتانيه
(هيحطولنا SHare-it فى دماغنا يا جماعه افرحوا :D)..

7- معلومه مهمه: الشريحة اتصنعت فعلا خلاص، اخدت الموافقة، وتم تجربتها على عدد من المتطوعين.. وجاري تطبيقها تدريجى على باقى الناس!!

8- الشريحه هتكون قابله للشحن اللاسلكي (بطريقة لسه هييتوضح مستقبليا)..
ومدة استخدامها هتكون يوم كامل.. ومن غيرها مش هتقدر تتعامل ولا تنهي تعاملاتك الشخصيه ولا هتقدر تتصرف الا لما تعيد شحنها مره تانيه..

9- واخيرا : تحويل الانسان لـ(انسان خارق) : اه زي ما بقولك!!
يعنى ببساطه : المدى البصري هيكون اكبر – مدى سمعي اعلى واقوي، التحكم فى المشاعر او الغائها (ممكن تبقا حاسس بالسعاده دايما وتلغي احساس الحزن والاكتئاب).. -وكل ده بالتطوير خطوه خطوه في الشريحه-

ده طبعًا حسب كلامه جزء من محاولتهم لمواكبة الطفرة اللى هتحصل في الذكاء الاصطناعي..

——————————-
كلام علمي ممكن ناس تستمتع بيه..
لكن يبقا السؤال او الاسئله الكتير جدا في الموضوع ده..
هل خبر ان انسان هيتزرع فى مخه شريحه..
ميعتبرش من الاخبار المقلقه والمخيفه!!

هل شركة التصنيع (هيكون ليها الصلاحيه للتحكم فى الشريحه وهي فى عقل الانسان؟!)..
طبعا الشركة هتكون ضايفه (جهاز تتبع) عشان تتابع مسار الشريحه عشان لو حصل مشكله للشخص ده يوصله دعم او نجده..

لكن هل مش دي برضه شيء مرعب وممكن تستخدم انها تتحكم فى الانسان اصلا..!!
ان الانسان يبقا عرضه للاختراق زي الكمبيوتر والموبايل ده مش شيء يدعوا للتفكير!!

وللاجابه على السؤال ده فالشركه كان عندها الرد ده :
– انت هتقدر تتحكم فى الشريحه بنفسك من خلال أبلكيشن على الموبايل والشركة شغالة على تطوير نظم حماية عالي يمنع أي شخص انه يخترق او يدخل معلوماتك أو اي حاجه متخزنة عليها..

لما سألوا (ايلون ماسك) عن الهدف الاساسي خلاف علاج الامراض..
كان رده : هدف المشروع هو محاولة معرفة ما هو الوعي البشري Human Consciousness، وازاي بيشتغل عشان نقويه ونعززه..

موضوع غريب..
لكن غرابته تستدعي التفكير..
والكلام عن الـAI والـIT كتير جدا وربط الذكاء الاصطناعي بالانسان.. شيء مش هيطمن..

المصادر للكلام ده :
المؤتمر اللى اتعمل من ايام + اللايف القديم اللى صرح فيه عن حاجات مهمه من سنه ونص وده اللينك بتاعه :
https://bit.ly/3hRWCDW
لايف من سنه ونص عن تطورات جديده للشريحه وقدراتها الخارقه للانسان :
https://bit.ly/31E3KOC

شير للينك ووصل المعلومه لغيرك.. متوقفش المقال لحد عندك.. واعمل منشن لصاحبك اللى جه فى بالك وانت بتقرأ الكلام ده..

اترك رد

TVs and Audio Category